Pet Dard Kyu Hota Hai? Karan, Lakshan Aur 7 Aasan Gharelu Upay

Pet Dard Kyu Hota Hai? Puri Jankari

Pet dard ek aam samasya hai jo har kisi ko kabhi na kabhi hoti hai. Kabhi galat khane se to kabhi gas ya acidity ki wajah se.

*Pet Dard Ke 5 Mukhya Karan:*

*1. Gas Aur Acidity:* Sabse kam karan. Jyada teekha, tala-bhuna khana ya time par na khana.

*2. Badhajmi (Indigestion):* Bhari khana jaldi-jaldi khane se pet sahi se digest nahi kar pata.

*3. Kabj (Constipation):* Pet sahi se saaf na hone par niche ke hisse me dard hota hai.

*4. Food Poisoning:* Basi ya kharab khana khane se infection.

*5. Periods Pain:* Mahilaon me mahwari ke samay pet ke nichle hisse me dard.

*Turant Aaram Ke Liye 7 Gharelu Upay:*

1. *Garam Pani Aur Ajwain:* 1 glass garam pani me 1 chammach ajwain aur kala namak le. Gas me turant aaram dega.

2. *Heeng Ka Pani:* Thodi si heeng garam pani me milakar pet par lagane ya peene se dard kam hota hai.

3. *Adrak Ki Chai:* Adrak digestion ko tez karta hai.

4. *Sikayi:* Garam pani ki bottle se pet ki sikayi kare, dard jaldi kam hoga.

5. *Dahi Aur Chawal:* Halka khana khayein, teekha aur bahar ka khana avoid kare.

6. *Pudina:* Pudina ka ras ya pudin hara gas aur pet dard me bahut faydemand hai.

*Kab Doctor Ko Dikhana Chahiye?*

Agar pet dard ke sath ye lakshan hai to turant doctor se sampark karein:

- Tez bukhar

- Ulti me khoon

- Lagatar 2 din se zyada dard

- Pet me sujan

Note:

 Ye jankari samanya jankari ke liye hai. Kisi bhi upay ko apnane se pehle ya dawai lene se pehle apne doctor se salah jarur lein.

Written by Drx. Suraj Prajapati - D Pharma, Lucknow