Kya aapke kandhe par safed-safed rusi gir rahi hai? Kala shirt pehenne me sharm aati hai? Rusi yani Dandruff sir ki skin ke sukhne ya fungal infection se hoti hai. Tension mat lo, isko 1 hafte me control kiya ja sakta hai.
Balo Me Rusi Hone Ke 3 Karan
1. Sir ki skin ka zyada sukhna
2. Tel na lagana ya bahut zyada tel lagana
3. Paseena aur dhool mitti jama hona
1. Nariyal Tel + Nimbu - Raat Wala Trick
Raat ko sone se pehle 2 chamach nariyal tel me aadha nimbu nichod kar halke haath se jadon me lagao. Subah halke shampoo se dho lo. Hafte me 2 baar karne se khujli aur rusi dono kam hoti hai.
2. Dahi Ka Mask - Thanda Ilaaj
Khatti dahi ko 10 minute tak sir me lagakar rakho, fir thande paani se dho lo. Dahi me ache bacteria hote hain jo dandruff paida karne wale fungus ko rokte hain. Ye rusi ke liye sabse safe upay hai.
3. Roz-Roz Baal Dhona Band Karo
Roz baal dhone se sir ki natural nami khatam ho jati hai, jisse aur zyada rusi banti hai. Hafte me 2-3 baar hi mild shampoo se baal dho.
4. Kanghi (Comb) Saaf Rakho
Aapki kanghi me hi sabse zyada fungus chipka rehta hai. Har hafte kanghi ko garam paani aur shampoo se dho. Kisi aur ki kanghi kabhi use mat karo.
5. Meetha Aur Tel Wala Khana Kam Karo
Zyada meetha aur bahar ka tala-bhuna khane se body me oil badhta hai, jisse rusi badhti hai. Paani zyada piyo aur hari sabji khao.
Kab Doctor Ko Dikhana Chahiye?
Agar rusi ke saath laal daane, bahut tez khujli ya peeph nikal raha hai, to ek baar doctor ya dermatologist se mil lena. Ye normal rusi nahi, infection ho sakta hai.
Disclaimer:
Ye jankari sirf education ke liye hai. Kisi bhi naye nuskhe ko lagane se pehle chhote hisse par test kar le.
Isko Bhi Padhe:
1. Baal Jhadna Kaise Roke? 10 Din Me Hair Fall Band
https://drxsurajprajapati.blogspot.com/2026/09/baal-jhadna-kaise-roke-10-din-me-hair.html
2. Chehre Ke Kale Daag Kaise Hataye?
https://drxsurajprajapati.blogspot.com/2026/09/chehre-ke-kale-daag-kaise-hataye-7-din.html
Written by Drx. Suraj Prajapati [ D Phram Lucknow ]
No comments:
Post a Comment