Irregular Period Kyu Hota Hai? Aniyamit Mahavari ke 8 Bade Karan

 Irregular period aaj kal har dusri ladki ki problem ban chuki hai. Kabhi period 21 din me aa jata hai, to kabhi 2-3 mahine tak aata hi nahi. Ise hi Aniyamit Mahavari ya Irregular Period kehte hain.

• Normal period cycle 21 se 35 din ka hota hai. Agar isse zyada upar-niche hota hai to ye irregular hai.

Irregular Period Kyu Hota Hai? 8 Main Karan:- 

1. PCOS / PCOD

Irregular period ka sabse bada karan PCOS hai. Isme andashay (ovary) me chhoti-chhoti ganthe ban jati hain jisse hormone bigad jata hai aur period miss hone lagta hai.

2. Stress aur Tension

Zyada stress lene se body me Cortisol hormone badh jata hai jo period wale hormones ko rok deta hai. Isliye exam ya tension ke time period late hota hai.

3. Thyroid ki Problem

Thyroid gland kam ya zyada kaam kare to bhi period irregular ho jata hai. Agar wajan badhna, thakan ke sath period irregular hai to thyroid test jarur karaye.

4. Wajan Ka Achanak Badhna ya Ghatna

Bahut zyada motapa ya ek dum se wajan kam hone se bhi ovulation nahi hota aur period cycle bigad jata hai.

5. Birth Control Pills

Garbh nirodhak goliyan khane se bhi shuru me 2-3 mahine period irregular rehta hai.

6. Zyada Exercise

Gym me bahut zyada heavy workout karne wali ladkiyo me bhi period late hota hai.

7. Neend Puri Na Hona

Raat bhar jagna aur din me sona, isse hormone ka balance bigad jata hai.

8. Khoon ki Kami (Anemia)

Sharir me khoon ki kami hone se bhi period ka flow aur timing dono kharab ho jate hain.

Irregular Period Ka Ilaj Kya Hai?

1.  Roz 30 minute walk ya yoga karo, specially Bhadrasana.

2.  Wajan ko control me rakho.

3.  Junk food, cold drink bilkul band karo.

4.  Raat ko 7-8 ghante ki neend lo.

5.  Agar 3 mahine se zyada period irregular hai to ek baar Doctor se milkar PCOS aur Thyroid ka test jarur karwao.

Kab Doctor ko dikhana chahiye?

Agar period 35 din se zyada late ho, bahut zyada bleeding ho ya 3 mahine tak period na aaye to turant gynecologist se sampark kare.