Pet Me Gas Kyo Banti Hai? Karan, Lakshan Aur 5 Turant Upay

 Pet me gas banna aam baat hai, lekin roz gas banna digestion kharab hone ka sanket hai.


"Mere clinic me aksar log aate hain aur kehte hain "Sir, subah se pet phula hua lag raha hai, dakar aa rahi hai". Ye problem aaj kal har dusre vyakti me dekhi ja rahi hai. Pet me gas banna aam baat hai, lekin jab ye roz hone lage to ye aapke digestion system ka warning signal hai.Is post me mai Drx Suraj Prajapati aapko bataunga ki pet me gas kyu banti hai, iske asli karan kya hain aur 5 aise turant upay jo 10 minute me aaram denge."

Pet Me Gas Kyo Banti Hai? Asli KaranHamare pet me gas 2 tarah se banti hai. Pehli - khana khate samay hawa nigal lena, aur dusri - badi aant me bacteria dwara khana ferment karna.

1. Galat Khan-Paan

Rajma, chhole, chana, gobhi, pyaaz aur cold drink jaise carbonated drinks gas banane me sabse aage hain. Inme complex carbs hote hain jo jaldi digest nahi hote.

2. Khaali Pet Jyada Der Rehna

Bahut se log subah chai pee kar 12 baje tak kuch nahi khate. Khali pet me acid banta hai jo gas aur jalan dono badhata hai. Isi liye hum hamesha kehte hain PCM jaisi dawai bhi khali pet mat lo.

3. Jaldi-Jaldi Khana Khana

Jab hum tezi se khate hain to khane ke saath hawa bhi andar chali jati hai. Ye hawa pet me gas ban jati hai. Mobile dekhte hue khana khane walo me ye sabse jyada hota hai.

4. Kabz (Constipation)

Agar 2-3 din tak pet saaf na ho to aant me mala sadne lagta hai aur gas banti hai. Ye sabse common reason hai.

5. Tension Aur Stress

Stress me hamara digestion slow ho jata hai. Isliye exam ya office pressure ke time gas aur acidity jyada hoti hai.

Pet Me Gas Kyu Banti Hai?

  • Tala hua, maida wala khana khana 
  • Cold drink, soda jyada peena 
  • Jaldi-jaldi khana ya baat karte hue khana - hawa pet me chali jati hai 
  • Raat ko der se khana 
  • Paani kam peena

Gas Ke Lakshan

  • Pet foolna 
  • dakar aana
  •  pet me gudgud
  • seene me jalan
  • khane ke baad bhari lagna.


Turant Rahat Ke 5 Upay:

1. Ajwain Ka Paani: 1 chammach ajwain ko garam paani me daal kar piye, 10 min me rahat.

2. Saunf Aur Jeera: Khane ke baad 1 chammach bhuni saunf khaye. Jeera paani bhi gas nikalta hai.

3. Khane Ke Baad Walk:10 minute dheere-dheere walk karne se gas nahi banti.

4. Khane Ka Tarika Sudhare: Dheere khaye, khoob chaba kar khaye, ek sath bahut sara khana na khaye.

5. In Cheezo Se Bache: Samosa, pakora, chhole, rajma, cold drink, chewing gum.

6. Ghar Ka Nuskha: 1 cup gungune paani me adha nimbu aur thoda kala namak daal kar piye.

 Kya Khana Chahiye Aur Kya Nahi?   


Pet Ki Gas Ka Turant Ilaj - 5 Asardar Upay

1. Ajwain Aur Kala Namak Ka Paani

1 chammach ajwain ko 1 glass paani me ubalo, usme chutki bhar kala namak dalo. Halka garam pee lo. 10 minute me gas nikal jayegi. Ye mere dada ji ka nuskha hai jo mai khud use karta hu.

2. Walk Karna

Khana khane ke turant baad 10-15 minute tez walk karo. Isse gas aanto me fasegi nahi aur turant pass ho jayegi. Leta rehne se gas aur badhti hai.

3. Hing Ka Lep

Thodi si hing ko garam paani me ghol kar nabhi ke aas-paas lagao. Baccho aur bado dono ke liye ye sabse safe upay hai.

4. Saunf Ka Paani

Raat ko 1 chammach saunf bhigo do, subah us paani ko chan kar pee lo. Isse roz ki gas ki problem jad se khatam hoti hai.

5. Pudin Hara Ya Eno Se Bache

Bahut log turant Eno le lete hain. Eno sirf temporary aaram deta hai, roz lene se kidney par asar padta hai. Gharelu upay ko pehle try karo.

FAQ - Aksar Puche Jane Wale Sawal

Q1. Roz pet me gas banna kya normal hai?

Haan, din me 10-15 baar gas pass karna normal hai. Lekin agar pet roz phoolta hai aur dard rehta hai to ye IBS ya acidity ho sakti hai.

Q2. Kya khali pet chai peene se gas banti hai?

Bilkul. Khali pet chai, coffee ya cigarette se pet me acid badhta hai aur gas banti hai. Subah pehle 1 glass paani piye, phir kuch kha kar chai piye.

Q3. Pet ki gas ke liye kaunsi tablet leni chahiye?

Gas ke liye Digene, Gelusil ya Pudin Hara li ja sakti hai, lekin roz ki aadat mat banao. Pehle apna khaan-paan sudharo. Koi bhi dawai lene se pehle doctor se salah lo.

Doctor Ko Kab Dikhana Chahiye?

Agar gas ke saath ye lakshan hain to turant doctor ko dikhao:

  • Vajan tezi se kam hona
  • Mal me khoon aana
  • Lagatar ulti aana
  • Seene me tez dard jo baayein haath tak jaye

Disclaimer: Ye jankari sirf shiksha ke liye hai. Ye kisi bhi medical salah ka vikalp nahi hai. Kisi bhi upay ya dawai ko apnane se pehle apne doctor ya pharmacist se jarur sampark karein.

Written by Drx. Suraj Prajapati [ D Pharm Lucknow ]

Note:- เคธिเคฐ्เคซ เค˜เคฐेเคฒु เคจुเคธ्เค–े เคนी เคช्เคฐเคฏोเค— เค•เคฐे |

Comments

Popular posts from this blog

๐ŸŒUP SCHOLARSHIP FAST RUNNING SITE

Sardi Jukam Kaise Thik Kare? 5 Asan Gharelu Nuskhe | Cold Treatment in Hindi

Pet Dard Kyu Hota Hai? Karan, Lakshan Aur 7 Aasan Gharelu Upay