Pimples, khas kar shaadi ya function se ek din pehle nikal aaye to pura mood kharab ho jata hai. Lekin tension mat lo, kuch medical tarike hain jinse aap pimple ko 1 raat me 80% tak sukhha sakte hain.
1. Ice Therapy - Sabse Tez
Ek barf ke tukde ko kapde me lapet kar pimple par 2-2 minute ke liye lagao. Ye sujan ko turant kam karta hai. Din me 3 baar karo.
2. Clindamycin Gel (Doctor Recommended)
Medical store par Clindamycin 1% gel mil jayega. Raat ko sone se pehle sirf pimple par lagao. Ye raat bhar me bacteria ko maar deta hai. Ye oily skin ke liye best hai.
3. Toothpaste Nahi, Tea Tree Oil Use Karo
Bahut log toothpaste lagate hain jo galat hai. Iski jagah 1 boond Tea Tree Oil me 2 boond nariyal tel milakar pimple par lagao.
4. Aspirin Mask
1 Aspirin tablet ko pees kar usme 2 boond paani milao aur paste bana kar pimple par 10 minute laga kar dho lo. Ye dawai wala nuskha hai.
5. Haath Mat Lagao
Sabse badi galti - pimple ko baar-baar choona ya phodna. Isse nishaan pad jayega.
Kab Doctor Ko Dikhana Chahiye?
Agar pimple me bahut dard hai, baar-baar nikal raha hai to ye hormonal ho sakta hai. Iske liye ek baar skin doctor se milo.
Note: Ye jankari general knowledge ke liye hai. Koi bhi dawai use karne se pehle apne pharmacist ya doctor se salah le le.
Written by Drx. Suraj Prajapati [ D Phrama Lucknow ]
No comments:
Post a Comment